कुसुमाग्रज (वि वा शिरवाडकर) यांची माहिती| Kusumagraj information in marathi

“लाभले आम्हास भाग्य बोलतो मराठी
जाहलो खरेच धन्य ऐकतो मराठी
धर्म, पंथ, जात एक जाणतो मराठी
एवढा जगात माय मानतो मराठी”

• Kusumagraj Information In Marathi अर्थात Vishnu Vaman Shirwadkar : (Marathi bhasha Din vishesh)

• मराठी भाषा दिनाचा विषय आला की कुसुमाग्रजांचे नाव येते. वि. वा. शिरवाडकर (विष्णू वामन शिरवाडकर) हे त्यांचे पूर्ण नाव. मराठी साहित्यामध्ये काही साहित्यकारांची नावे कितीही जुनी झाली तरी आताची वाटतात. त्यापैकीच एक आधुनिक युगाचे कवी अशी ओळख असलेले कवी म्हणजे कवी ‘कुसुमाग्रज’. मराठी साहित्य आणि त्याचा अभ्यास करणाऱ्यांना आजही या मराठी साहित्यिकाविषयीची अधिक खोलवर माहिती घेणे भाग आहे. मराठी भाषेतील अग्रगण्य कवी, लेखक, समीक्षक, नाटककार आणि कथाकार अशी त्यांची ओळख आहे. त्यांचा जन्मदिवस मराठी भाषा दिन म्हणून साजरा केला जातो.

• मराठी भाषेतील त्यांच्या योगदानामुळे 27 फेब्रुवारी हा दिवस ‘मराठी राजभाषा दिन‘ म्हणून साजरा केला जातो. या दिवशी आवर्जून मराठी भाषा दिनाच्या शुभेच्छा दिल्या जातात.

• इतकी त्यांची मराठी भाषेत ख्याती आहे. तुम्ही साहित्याचे चाहते असाल पण तुम्हाला कुसुमाग्रज यांची माहिती नसेल तर ती तुम्ही आताच घ्यायला हवीत्यांना आपल्या प्रभावी साहित्यलेखनामुळे ज्ञानपीठ पुरस्काराने गौरविण्यात आले होते. कुसुमाग्रजांचे आयुष्य, त्यांचे बालपण आणि त्यांचे साहित्य जाणून घेण्याची गरज ही आपल्या सगळ्यांनाच आहे. आजच्या या लेखात आपण कवी कुसुमाग्रज यांची मराठी माहिती मिळवणार आहोत.

1. नाव : विष्णू वामन शिरवाडकर(Viva shirwadkar)
2. मूळनाव: गजानन रंगनाथ शिरवाडकर
3. वडिलांचे नाव: रंगनाथ शिरवाडकर
4. काकांचे नाव: वामन शिरवाडकर
5. टोपण नाव: कुसूम अग्रज ‘कुसुमाग्रज’
6. जन्म : 27 फेब्रुवारी 1912
7. जन्मस्थान : नाशिक
8. शिक्षण: बी.ए. (नाशिक)
9. पुरस्कार: महाराष्ट्र राज्य सरकार पुरस्कार (मराठीमाती, स्वगत, हिमरेषा, नटसम्राट), साहित्य अकादमी (नटसम्राट), ज्ञानपीठ पुरस्कार, पद्मभूषण पुरस्कार, डि.लीट पुरस्कार, नाट्यलेखन पुरस्कार
   शिवाय कुसुमाग्रज यांच्या नावाने अनेक पुरस्कार साहित्यिकांना दिले जातात. 

• विष्णू वामन शिरवाडकर ( वि वा शिरवाडकर ) तथा तात्यासाहेब शिरवाडकर यांचा 27 फेब्रुवारी 1912 रोजी पुणे येथे एका देशस्थ ब्राह्मण कुटुंबात जन्म झाला. हे मराठी भाषेतील अग्रगण्य कवी, लेखक, नाटककार, कथाकार तसेच समीक्षक होते. त्यांनी कुसुमाग्रज या टोपण नावाने कविता लेखन केले ते आत्मनिष्ठ व समाजनिष्ठ जाणीव असणारे मराठीतले महत्त्वाचे लेखक मानले जातात. शिरवाडकरांचे वर्णन सरस्वतीच्या मंदिरातील दैदीप्यमान रत्न असे करतात. वि. स. खांडेकर यांच्यानंतर मराठी साहित्यात ज्ञानपीठ पुरस्कार मिळवणारे ते दुसरे साहित्यिक होते. चार दशकांपेक्षा अधिक “काळ प्रभाव गाजवणारे श्रेष्ठ प्रतिभावंत कवी, नाटककार, कथाकार,कादंबरीकार, लघु निबंधकार व आस्वादक समीक्षक”, प्रामाणिक सामाजिक आस्था,क्रांतिकारक वृत्ती, शब्द कलेवर असलेले प्रभुत्व ही त्यांच्या लेखनाची वैशिष्ट्ये होती. 
• त्यांच्यातील सखोल सहानुभूतीने त्यांच्या समाजाच्या सर्व थरांवरील वास्तवाला भेटण्यासाठी आणि पौराणिक आणि ऐतिहासिक व्यक्तिमत्त्वांमध्ये मानवी वृत्तीचा शोध घेण्यासाठी प्रवृत्त केले. त्यांच्या शोधक आणि चिकित्सक स्वभावाने त्यांना प्रत्यक्ष ईश्वर संबंधित प्रश्न उपस्थित करायला लावले आणि माणसाच्या सामग्रीतेचे आकलन करायला प्रवृत्त केले. त्यांचे समृद्ध आणि प्रगल्भ व्यक्तिमत्त्व वैविध्यपूर्ण आणि प्रसन्न रूपात त्यांच्या साहित्यातून प्रतिबंधित झालेले दिसते.