नवीन व्यावसायिकांसाठी (New Professionals साठी) अधिक उपयुक्त ठरू शकणारा प्रश्न म्हणजे कंपनीमधील मॅनेजर्स शिकण्याच्या संस्कृतीला कसे प्रोत्साहन देतात, सोप्या भाषेत एखादी गोष्ट किंवा काम नियुक्त करताना त्या कामामधील बारकाई समजून घेण्यास किंवा शिकण्यास मॅनेजर्स कर्मचाऱ्यांना किती वेळ देतात.लिंक्डइन तज्ञ अनीश रमण यांनी सांगितले – ‘शिकण्याच्या त्या संस्कृतीचा एक भाग म्हणजे काय ते मी सांगतो…’
सविस्तर बातमी
तुमच्या संभाव्य नवीन नियोक्त्याला (कंपनीला) जाणून घेण्यासाठी मुलाखतीदरम्यान इंटरव्यूअरला विचारण्यासाठी बरेच चांगले प्रश्न आहेत.
काही सर्वोत्तम प्रश्न तुम्हाला कंपनीच्या भविष्यामध्ये स्वारस्य (Interest) असल्याचे दर्शवितात (जसे की,’संघाची अपेक्षित वाढ काय आहे?’), तसेच या अशा एका प्रश्नामुळे भविष्यात कंपनी कशी गुंतवणूक करणार आहे हे समजते.
लिंक्डइनचे उपाध्यक्ष आणि कार्यबल तज्ञ अनीश रमन म्हणतात की “तुम्ही नोकरी स्वीकारण्यापूर्वी विचारण्याचा सर्वात महत्त्वाचा प्रश्न म्हणजे: तुमची शिकण्याची व शिकवण्याची संस्कृती काय आहे?”
अलिकडच्या वर्षांत वेगवान तंत्रज्ञानातील काम जेथे केले जाते तेथे बदल आणि अनिश्चित आर्थिक चित्र यामध्ये कामाची जागा कमालीची बदलली आहे.
रमण म्हणतात, “आम्हाला काय येत आहे हे माहित नाही, पण एक गोष्ट आम्हाला माहित आहे की ज्या संस्था शिकण्याची संस्कृती तयार करतात आणि ज्या संस्थांमध्ये शिकण्याच्या संस्कृतीकडे झुकणारे कर्मचारी आहेत, ते उत्पादक भविष्यामध्ये खूप चांगली प्रगती करतील.”
LinkedIn नुसार, अशा शिकण्याच्या आणि शिकवण्याच्या संस्कृतीमुळे कर्मचाऱ्यांचा चांगला अनुभव देखील मिळू शकतो: 10 पैकी 7 लोक म्हणतात की शिकण्याने त्यांच्या संस्थेशी जोडण्याची भावना सुधारते आणि 10 पैकी 8 लोक म्हणतात की यामुळे त्यांच्या कामाचा उद्देश जोडला जातो तसेच त्यांना स्वतःची व कंपनीच्या ध्येयाची स्पष्टता मिळते.
पुढील भाग लक्षपूर्वक पहा
हायरिंग मॅनेजर कसा प्रतिसाद देतो ते पहा. रमन म्हणतात की, ते तुम्हाला ऑनबोर्डिंग प्रक्रियेबद्दल, सायबरसुरक्षा आणि कायदेशीर उद्देशांसाठी नियतकालिक प्रशिक्षण आणि कदाचित LinkedIn किंवा Coursera सारख्या ऑनलाइन अभ्यासक्रमांबद्दल सांगू शकतील.
पुढे रमण म्हणतात की या ऑफर्स अगदी वैशिष्ट्यपूर्ण आहेत परंतु त्या शिकण्याच्या वास्तविक संस्कृतीला संबोधित करत नाहीत किंवा कंपनीची शिकणे आणि शिकवण्याच्या वास्तविक (चालू असलेल्या) परिस्थितीची स्पष्टता देत नाही.
त्याऐवजी, लिंक्डइन तज्ञ ब्रिट आंद्रेटा यांच्या मते, अगदी पुराव्यांसह उपयुक्त अशा शिकण्याच्या संस्कृतीचे पुढील घटक पहा:
- उत्तम नेते (म्हणजेच लीडर्स) जोखीम पत्करण्यास, अपयशी होण्याची भीती घालवण्यास आणि चुकांपासून शिकण्यास नवनिर्मितीसाठी (Innovations) प्रोत्साहित करतात.
- चांगली संस्था वैयक्तिक आणि कर्मचाऱ्यांच्या आभासी, मागणीनुसार शिकण्याच्या संधी प्रदान करते.
- “मी तुम्हाला तुमचे काम करण्यात कशी मदत करू शकतो?” असे प्रश्न चांगले व्यवस्थापक आपुलकीने विचारतात.
- शिकणे हा कार्यप्रदर्शन मूल्यमापनाचा (Performance मोजण्याचा) भाग आहे आणि म्हणूनच कामातील नेहमीच्या सुधारणेला विविध बक्षीसांनी प्रवृत्त केले जाते.
रमण म्हणतात, व्यवस्थापक शिकण्याच्या संस्कृतीला कसे प्रोत्साहन देतात हे विचारून कनिष्ठ (Juniors) कर्मचाऱ्यांना विशेषतः फायदा होऊ शकतो.
तसेच ते असेही म्हणतात की “त्या शिकण्याच्या संस्कृतीचा एक भाग म्हणजे इतरांसोबत चांगले कसे काम करावे हे हळूहळू शिकणे”. तरुण व्यावसायिकांना “कॉर्पोरेट बोलणे आणि कॉर्पोरेट संस्कृती आणि मीटिंगमध्ये तुम्ही काय करायचे यासारख्या गोष्टींबद्दल वास्तविक प्रशिक्षण देणे सध्या आवश्यक आहे.”
इतर कर्मचाऱ्यांद्वारे शिकण्याची संस्कृती जाणून घ्या
उदाहरणार्थ, तुम्ही ज्या पदासाठी मुलाखत देत आहात ती जागा रिक्त आहे का ते विचारा. तसेच मागील कर्मचाऱ्याला त्याच कार्यक्षेत्रात पदोन्नती (Professional Growth) मिळाली का आणि त्याला वेगळ्या विभागात (Department मध्ये) प्रशिक्षण देऊन संस्थेमध्ये अजून खोलवर कार्यरत राहण्याची संधी मिळाली का? हे सुद्धा तुम्ही विचारू शकता.
काही कर्मचाऱ्यांच्या लिंक्डइन प्रोफाइलवर एक नजर टाका त्यामधून तुम्हाला दिसून येईल की खरंच त्या कंपनीमध्ये लोक सहसा दीर्घकाळ राहतात का? मोठ्या प्रकल्पांचे नेतृत्व करणे किंवा नवीन उपक्रम सुरू करणे यासारख्या अनेक संधींमध्ये त्यांना पदोन्नती मिळते का?
कालांतराने टीम मध्ये जॉईन झाल्यावर तुम्ही टीमच्या इतर सदस्यांशी त्यांच्या अनुभवाबद्दल विचारू शकता आणि स्वतःमध्ये व्यवसायिक गुणांमध्ये बदल घडवून आणू शकता.
पुढे ते म्हणतात की “कंपनीतील करिअर वाढ आणि प्रगतीमध्ये शिकणे आणि शिकवणे कसे काम करते हे स्पष्टपणे मुलाखतीच्या शेवटच्या भागामध्ये तुम्ही विचारा”
जी कंपनी आपल्या कर्मचाऱ्यांना प्रशिक्षण देण्यास महत्त्व देते तिच्याकडे संस्थेमध्ये वाढणाऱ्या कर्मचाऱ्यांचा सिद्ध ट्रॅक (Proof) किंवा रेकॉर्ड असणे आवश्यक आहे.